Рөстәм Миңнеханов һәм Лаос Премьер-министры Казан зоопаркында булды

Казанга Лаос дәүләтеннән китерелгән ике фил быелгы саммитның рәсми булмаган символларына әйләнер, ахрысы. Әле аларны алып кайткан көнне үк Рөстәм Миңнеханов шулай дип фаразлаган иде.

Хайваннарга ул вакытта Шикәр белән Уңыш дигән исем куштылар. Алар - Лаос президентының Владимир Путинга бүләге һәм Казан зоопаркында яшиячәкләр. Филләр безнең шартларга ничек күнегә соң?

Моны кичә әлеге илнең Премьер-министры Сонсай Сипхандон шәхсән күрә алды. Ул Рөстәм Миңнеханов белән зоопаркка барды һәм сертифкат тапшырды. Саммитка иң үзенчәлекле сәфәрләрнең берсен Гөлназ Сәйфетдинова күзәтте.