Тәтештә мордва халкының «Валда шинясь» бәйрәме гөрләде

Татарстанның Тәтеш районында «Валда шинясь»ны гөрләттеләр. "Якты Көн" дигәнне аңлаткан әлеге бәйрәмдә хәтта яңгыр яумады.

Биредә мордва мәдәнияте республика дәрәҗәсендә тәкъдим ителгән. Халыкны Дәүләт Советының мактаулы рәисе, Халыклар ассамблеясы рәисе Фәрит Мөхәммәтшин тәбрикли. Татарстанда 12 меңләп мордва яши. Шуларның күп өлеше -- Тәтеш районында. Алар милли бәйрәмнәрен 2014нче елдан республика Хөкүмәте теләктәшлеге һәм грант ярдәмендә зурлап уздыра. Мордва халкының мәдәнияте һәм гореф-гадәтләрен Радик Гыймаев күреп кайтты.