Республикада юл эшләренә рекордлы күләмдә акча бүленде

Быел Татарстанда моңарчы күрелмәгән озынлыкта урам юлларын ремонтлыйлар. Исемлеккә - 890 урам кергән. Бу эшләргә Республика Рәисе карары белән өстәмә рәвештә 18 миллиард сум акча бүленә.

Гомумән, быел юл программалары 93 миллиард сумны тәшкил итә. Әлеге саннарны бүген Хөкүмәт Йортында игълан иттеләр. Монда яңа проектларга һәм тармакны борчыган җитди проблемага тукталдылар. Түләүле трассалардан йөреп тә, акчасын күчермәүчеләр шактый. 200 миллион сумга штрафлар җыелган. Юл төзелеше планнарын арттыручы һәм тоткарлаучы сәбәпләр хакында - Рүзәл Шәрипов.