Константиновкада медүзәк каршындагы машина кую урыннары юкка чыккан

Казанның Константиновка бистәсендә юлны төзекләндергәннән соң, андагы бердәнбер медицина үзәге каршындагы машина кую урыннары юкка чыккан. Әлеге учреждение Чебакса, Константиновка бистәләре,Самосыр микрорайоны, Светлая Долина, Весна торак комплексларында яшәүчеләргә хезмәт күрсәтә.

Хәзер халыкка автомобиль кую өчен урынны читтән эзләп йөрергә туры килә. Аның каравы җәяүлеләр кичүе барлыкка килгән. Яңарту эшләренең кемгә файда, кемгә зыян китергәнен Инзилә Хөсәенова сөйләр.