Чаллыда 50 яшьтән өлкәнрәк 200гә якын кеше никахын теркәгән

2026 ел башыннан Яр Чаллыда 50 яшьтән өлкәнрәк 200гә якын кеше никахын рәсми рәвештә теркәгән. Бу хакта шәһәр ЗАГС идарәсе башлыгы Равилә Зарипова хәбәр иткән.

Елның беренче яртыеллыгында гаилә корырга 50 яшьтән өлкәнрәк 109 кияү һәм 97 кәләш карар кылган. Алар арасында 70 яшьтән өлкәнрәк 11 кияү һәм алты кәләш тә бар.

Иң өлкән кияүгә — 88 яшь, ә иң өлкән кәләшкә 85 яшь булган.

Фото: magnific.com