Казанда электр самокатында барган яшүсмерләр 91 яшьлек әбине бәрдергән

Казанда электр самокатында барган яшүсмерләр 91 яшьлек әбине бәрдергән. Нина Стариковага хәзер даими ярдәм кирәк. Тернәкләнү күпмегә сузылыр, ул элеккечә йөри алырмы - билгесез.

Сәламәтлегенә зыян килгән әбинең оныгы - безнең редакциягә мөрәҗәгать итте. Бу хәлдән соң ике ай вакыт үтүгә карамастан беркем дә җәзага тартылмады. Гафу үтенгән, ярдәм тәкъдим иткән кеше юк, ди. Электр самокатлары катнашындагы шундый хәлләрнең артуын исәпкә алып, әлеге проблемага җәмәгатьчелекнең игътибарын җәлеп итәргә тели.