Татарстанда яшь парлар туй көнендә сайлауда катнашты

Татарстанда берничә яшь пар туй көнендә сайлау участокларына килеп, тавыш биргән. Бу хакта республика Үзәк сайлау комиссиясе хәбәр итә.

Яшь гаиләләр арасында Александр һәм Екатерина Левагиннар, Айнур Галимуллин һәм Динара Нәбиева, Марат Гафиятов һәм Илгизә Шәйхетдинова, Александр Муравьёв һәм Гөлнара Кәримова, Андрей һәм Анжелика Сурниннар бар.

Татарстан Үзәк сайлау комиссиясе яшь гаиләләргә мәхәббәт, үзара хөрмәт, гаилә җылысы һәм бәхет теләде.

Бүген Татарстанда Дәүләт Думасы депутатларын сайлауда тавыш бирүнең икенче көне уза. Сайлау участоклары 08:00дән 20:00гә кадәр эшли.