Түбән Камада йортларны кышка әзерләүдә хокук бозулар ачыкланган

Татарстанның Дәүләт торак инспекциясе - Түбән Камада күп фатирлы йортларны ягу сезонына әзерләүдә хокук бозу очракларын ачыклаган.

«Әйбәт» һәм «Жильё» дигән идарәче компанияләр - ике бина "кышка җылытыла" дип хисап биргән. Гәрчә, ул вакытта аларда торбаларны да куеп бетермәгән булалар. Тикшерү материалларын инспекторлар судка тапшырган.

Компания җитәкчеләре дәгъвалар белән килешми. Ни өчен документлардагы мәгълүмат чынбарлыктагы хәл белән чагышмый? Мәсәләгә Луиза Сафуанова ачыклык кертә. .