Татарстанда котыру чире буенча 29 очрак теркәлгән

Татарстанда котыру чире таралу буенча хәл катлаулы булып кала. Ел башыннан бездә аның 29 очрагы теркәлгән. Узган ел дәвамында 24тән артмаган була.

Хәзер берничә районда 11 очрак буенча карантин гамәлдә. Бүген белгечләр, паркта йөргәндә тиеннәрне ашатырга яратучыларга да кисәтү ясады. Әлеге җәнлекләр ел башыннан Россиядә 500 кешегә ташланган.

Бүген Казанда тиен тешләүчеләр күпме һәм шушындый хәлгә калсаң, нишләргә? Алия Сабирова белгечләрдән сорады.