Ренат Харис киң җәмәгатьчелеккә рәссам буларак та танылды

Татарстанның халык шагыйре Ренат Харис киң җәмәгатьчелеккә рәссам буларак та танылды. КФУда аның график картиналарын тәкъдим иттеләр. Биредә әдипнең 85 яшьлек юбилеена багышланган фәнни конференция уза.

Анда татар әдәбияты, мәдәнияте һәм заманча әдәби стратегияләр турында сөйләштеләр. Ренат Харис үзе дә Казан федераль университетында белем алган. Биредә 1959дан 63нче елга кадәр укый. Аның күпләргә моңарчы билгеле булмаган сәләте турында Зәринә Әлтәпова сөйләр.