16 яшьлек Ибраһим Шәйхетдинов халыкара олимпиада җиңүчесе булып Казанга кайтты

Казан тимер юл вокзалында химия фәне буенча халыкара олимпиадада алтын медаль яулаган укучыны каршыладылар. Ул -16 яшьлек Ибраһим Шәйхетдинов.

Башкаланың 131нче лицеенда белем ала. Олипиада Үзбәкстанның Каракалпакстан Республикасы башкаласы Нөкүстә узган. 11нче гасырдагы танылган төрки-фарсы галиме Әбү Рәйхан Әл-Бирүни хөрмәтенә үткәрелә. Татарстан вәкиленнән тыш Россиядән тагын 3 укучы - алдынгылар исемлегендә. Казан җиңүчесе белән Илдус Хисмәтуллин аралашып кайтты.