Динә Газалиева "Фидакарь хезмәт өчен" медаленә лаек булды

Бүген, Татарстан Республикасы көне алдыннан, "Яңа Гасыр" телерадиокомпаниясенең Мәскәүдәге корпункт директоры Динә Газалиева "Фидакарь хезмәт өчен" медаленә лаек булды.

Казан Кремлендә Рөстәм Миңнеханов Россия һәм Татарстанның дәрәҗәле бүләкләрен тапшырды. Алар арасында - хезмәт ветераннары, СВОда катнашучы хәрбиләр, күпбалалы гаилә, галимнәр һәм артистлар, сәнәгать һәм авыл хуҗалыгы хезмәткәрләре, табиблар һәм журналистлар - барлыгы 56 кеше.

Динә Газалиева экраннар аша Татарстанның чил илләр белән элемтәләре, халыкара аренада тоткан урыны турында тәфсилләп сөйли. Журналистикада беренче адымнары өчен әнисе - шулай ук танылган каләм иясе Роза Газалиевага рәхмәтле ул.

Фото: rais.tatarstan.ru