ТНВның 2 тапшыруы «Күпмилләтле Россия» конкурсында җиңү яулады

Бүген, 23 октябрьдә, Казанда XVI Бөтенроссия журналистлар бәйгесе "Күпмилләтле Россия"нең җиңүчеләре бүләкләнде.

ТНВ телеканалының «Каравай» тапшыруы Татарстанда этникара мөнәсәбәтләрне яктырткан иң яхшы проект итеп танылды.

"Телепроект" номинациясендә Гран-прига Ильзира Юзаеваның «Заман көзгесе» тапшыруы лаек булды.

Бәйгедә 55 төбәктән 1 249 эш катнашты, җиңүчеләр 20 төбәктән билгеләнде.