ТНВ тулысынча цифрлы тапшыруга күчә: безне ничек карап була?

Хөрмәтле ТНВ тамашачылары! Аналог тапшыру өчен кулланылган телевизион тапшыргычлар паркы тузу сәбәпле, ТНВ тулысынча цифрлы тапшыруга күчә. Каналыбызны карауны дәвам итү өчен, кабель телевидениесенә тоташыгыз.

Әгәр сез Татарстан шәһәрләренең берсендә яшисез икән, түбәндәге операторлар хезмәтләреннән файдалана аласыз: “Таттелеком”, “Летай”, “Дом.ру”, “МТС”, “Ростелеком”, “Казанская городская сеть”.

Авыл җирендә яшисез һәм сездә кабель операторлары юк икән, сезнең өчен ТНВ “Триколор” һәм “Телекарта” иярчен платформаларында бар. Шулай ук ТНВны интернетта TATTVR кушымтасы аша да карап була.