«Ай булмаса, йолдыз бар»: Март аенда ТНВда яңа сериал чыга

Март башында безнең канал тамашачылары татар телендә өр-яңа сериал карый алачак. ТНВ - «Ватан 21нче гасыр» кинокомпаниясе белән берлектә төшерелгән “Ай булмаса, йолдыз бар” телесериалы әзер.

Ул танылган драматург, легендар Туфан Миңнуллин әсәренә нигезләнгән һәм аның тууына 90 ел тулуга багышлана. «Мир» кинотеатрында беренче сериясен тамашачыга тәкъдим иттеләр, актерлар белән фикер алыштылар. Әлеге фильм - Татарстан Рәисе каршындагы туган телләрне саклау комиссиясе ярдәме белән төшерелде. Динә Нәҗметдинова репортажын карыйк.