Игътибар! Илһам Шакиров турында фильмга күмәк күренешләр өчен кешеләр кирәк

«Ватан 21 век» кинокомпаниясе Татарстанның халык артисты Илһам Шакиров турында төшереләчәк фильм өчен күмәк күренешләрдә катнашучылар җыя.

Искәртеп узыйк, «Илһам» исемле өч серияле фильм ТНВ телеканалы заказы буенча, Марат Әхмәтов җитәкләгән Туган телләр комиссиясе ярдәмендә төшерелә.

Тиздән язгы съемкалар этабы старт алачак. Теләүчеләр өчен төшерү мәйданчыгына эләгү һәм бөек җырчы турында фильмның бер өлеше булу мөмкинлеге бар. Гаризалар махсус сылтама аша кабул ителә.