"Шүрәле оныгы Шүркәй": Татарстанда ясалма фәһем кулланып эшләнгән татарча беренче мультсериал

Татарстанда ясалма фәһем кулланып эшләнгән татарча беренче - 3Д форматтагы мультсериал дөнья күрде.

"Шүрәле оныгы Шүркәй" дип атала. Аны Шаян ТВ телеканалы төшерде һәм бүген җәмәгатьчелеккә тәкъдим итте. Проект - Габдулла Тукайның 140 еллыгы уңаеннан, Татарстан Рәисе каршындагы туган телләрне саклау комиссиясе белән берлектә әзерләнгән. Ул "Шаян мультфильм" анимация студиясенең тәүге проекты.

Сериалны карарга Дәүләт Советы рәисе вазифаларын башкаручы, туган телләрне саклау комиссиясе рәисе Марат Әхмәтов килде. Иҗади очрашудан Гөлназ Сәйфетдинова репортажы.