“Болгар радиосы” беренче тапкыр “Караоке трамвай” оештырды

Бүген илдә Радио көне билгеләп үтелә. 1895нче елның 7нче маенда - физик Александр Попов беренче тапкыр - электромагнит дулкыннарын мәгълүмат тапшыру өчен кулланып карый.

Шулай итеп, дөнья эфирында тавышлар һәм көйләр яңгырый башлаган. Хәзер исә, элемтә - иң тиз үсештә булган юнәлешләрнең берсе.

Бүген ТНВ милли холдингының - "Болгар радиосы" хезмәткәрләре һөнәри бәйрәмен рельслар өстендә үткәрде. Алар беренче тапкыр - "Караоке трамвай" дигән акция уздырды. Танылган артистлар белән 5нче маршрутта концерт куйдылар.  Бәйрәм мохитен Динә Нәҗметдинова җиткерер.