Бүген ТНВ каналында "РОВ" фильмын күрсәтәчәкләр

Бөек Ватан сугышы вакытында казылган - Казан каймасына багышланган документаль фильмны бүген ТНВ каналында 18:00 сәгатьтә күрсәтәчәкләр. 

Аның режиссеры безнең хезмәттәшебез - Ринат Юзаев. Тарихка кереп калган, 331 чакрымга сузылган окопны, нигездә, 14-15 яшьлек кызлар һәм хатыннар казый. Аларга 40 градуслы салкыннарда эшләргә туры килә. Күбесе шунда сәламәтлеген югалта.

Казан каймасында хезмәт куйган кешеләрнең исән калганнары хәзер инде 100 яшькә җитеп килә.