"Әлифба" авторларының гыйбрәтле язмышы турында фильмны ТНВдан карагыз

Бу шимбәдә безнең телеканал «Әлифба» фильмын күрсәтәчәк. Аны кичке 7дә карарга була. 24 октябрь - Әлифба авторларының берсе - Сәләй Вәгыйзовның туган көне.

Фильм - аның һәм хатыны Рәмзия Вәлитованың гыйбрәтле язмышы турында. Ятимлек, сугыш чоры, немец әсирлеге, Советлар иленә кайткач, халык дошманы дип аталу - ике шәхеснең фаҗигасенә әйләнә. Төп рольләрне Татарстанның атказанган артисты Эмиль Талипов һәм Вәгыйзовның оныгы - Аида башкара. Режиссеры - Илдар Ягъфәров.

Фильм - Марат Әхмәтов җитәкчелегендәге туган телләрне саклау комиссиясе башлангычы белән һәм аның ярдәмендә төшерелгән. Картина «Алтын мөнбәр» халыкара кино фестивалендә «Иң яхшы милли фильм» номинациясендә җиңү яуларга өлгерде инде.