«Музыкаль Сабантуй»: танылган җырчылар һәм тамашачылар бер сәхнәдә

Бу якшәмбе Яңа Гасыр телеканалында - премьера. Кичке сәгать 8дә «Музыкаль Сабантуй» проектының өченче сезоны күрсәтеләчәк. Тамашачыны 10 чыгарылыш көтә. Һәрберсендә ике танылган җырчының иҗади ярышы һәм жюри фикере.

Беренче тапкыр яраткан артистлар белән бер сәхнәгә сәләтле татарстанлылар - табиб, эретеп ябыштыручы, махсус хәрби операциядә катнашучыларның туганнары чыгачак. Проект Татарстан Рәисе каршындагы Туган телләрне саклау комиссиясе ярдәме белән әзерләнде. Кайсы артист хатыны белән дуэт башкарачак? Нинди музыкаль төркем 20 еллык тәнәфестән соң, проект белән илһмланып, кабат концертлар куя башлаган? Җаваплар Сиринә Васильева материалында.