Бүген: -- ------ 20-- --:--
О компании Настройки Телеканал "ТНВ-Татарстан" Телеканал "ТНВ-Планета" Видеоархив Конкурс "Талант" Реклама
Хәбәрләр тасмасы
15.09.2017

Алабугада аракы сатуны тикшереп торалар

Алабугада быел җиде ай эчендә алкогольле һәм спиртлы продукция әйләнеше өлкәсендә гамәлдәге законнарны бозуның 20 очрагы ачыкланган.

Бу күрсәткеч, үткән елның шул ук вакыт аралыгы белән чагыштырганда, 39 процентка ким. Бу турыда Дәүләт алкоголь инспекциясе Яр Чаллы территориаль органының башлыгы вазифаларын башкаручы Лилия Муллина хәбәр иткән иде.

Шул рәвешле, лицензиядән башка алкоголь сатуның 2 очрагы теркәлгән. Тиешсез вакытта алкогольле эчемлек сатуның 7 очрагына тап булганнар. Шулай ук бердәм теркәү системасына кермәгән бер кибет ачыкланган.

Лилия Муллина белдерүенчә, Эчке эшләр министрлыгы органнары белән берлектә 14 тикшерү чарасы уздырылган, 4 административ эш тапшырылган. Административ хокук бозуларны тикшерү барышында 7,1 литр алкогольле һәм спиртлы продукция сатудан алынган.

«Татар-информ» мәгълүмәтыннан күренгәнчә, 2017 елның 1 августына суд органнары һәм ТР Дәүләт алкоголь инспекциясенең вазифаи вәкаләтле вәкилләре тарафыннан гомуми күләмдә 135 мең сумлык административ түләтүләр салынган. Бу узган елның шушы вакытындагыга караганда 40,6 процентка артыграк.

(Татар-информ)


www.tnv.ru - настройся на лучшее! Присоединяйтесь!
Программа Мин КОС. С Днем Химика!