Бүген: -- ------ 20-- --:--
Компания "Татарстан-Яңа Гасыр" телеканалы "ТНВ-Планета" телеканалы Безнең архив Хәбәрләр
Хәбәрләр тасмасы
27.05.2016

Библиянең татар теленә тәрҗемә ителгән беренче тулы варианты киң җәмәгатьчелеккә тәкъдим ителде

С.Сәйдәшев исемендәге Зур концертлар залында Библиянең татарчага тәрҗемәсен киң җәмәгатьчелеккә тәкъдим итү чарасы булды. Моңа кадәр бу Библия Россиядә рус, чуваш, тыва, чечен һәм удмурт телләренә тәрҗемә ителгән булган. Гомумән алганда, Библиянең дөньяның 565 теленә тәрҗемәсе бар. Татар теленә тәрҗемә итү өстендә эш 23 ел барган. Тәрҗемә ТР ФАнең Галимҗан Ибраһимов исемендәге Тел, әдәбият һәм сәнгать институты тарафыннан фәнни яктан рецензияләнгән. Шулай ук КФУның Филология һәм мәдәниятара коммуникацияләр институты да фәнни рецензия язган. Басма үзе Россия ФАнең Тел гыйлеме институты тарафыннан чыгарылган. Изге Язманың (татар телендәге Библиянең) гомуми тиражы - 8 мең. Басманы чиркәүләрдә һәм китапханәләрдә табарга мөмкин булачак. Библияне татар теленә тәрҗемә итүнең максаты - мөселман өммәтеннән булган татар кешеләрен әлеге басма белән үз туган телләрендә таныштыру, диелгән журналистларга бирелгән релизда.

Казан һәм Татарстан митрополиты Феофан бу тәрҗемә күңелләр яңаруга нигез булачагына ышаныч баглый. "Нигә әле кешеләр, башка диндә булуга карамастан, мәңгелек китап белән танышмаска тиеш? Мин Коръәнне рус телендә укыйм, чөнки минем белән бер йортта, бер илдә, бер калада, Россия атлы зур өйдә янәшә яшәгән кешеләрнең дине нәрсәгә нигезләнүен беләсем килә", - диде ул һәм Библияне татар теленә тәрҗемә ителүенә сөенүен белдереп, бу эшне башкаручыларга рәхмәт әйтте.

Лингвистиканың җәйге институты вәкиле Майя Лок тәрҗемәчеләрнең бик тырышып эшләвен һәм зур эш башкаруын билгеләп үтте. "Сез моны бик зур бер нәтиҗәле команда буларак эшләп чыктыгыз", - диде һәм тәрҗемәчеләрне бу уңыш белән котлады.

Финляндиядән килгән вәкил чыгышында кайбер теләкләрне татар телендә дә җиткерде. Библияне татарчага тәрҗемә итү институты вәкиле Наталья Манзиенко сүзләренчә, тәрҗемә буенча консультантлар арасында дөньякүләм белгечләр дә булган. Тәрҗемә эше исә җиңел бирелмәгән һәм Изге язманы тәрҗемә итү өчен бик зур сабырлык, тырышлык һәм Ходай ярдәме булышкан. "Славян язуы көннәрен бәйрәм иткәндә мондый чараның уздырылуы үзе үк зур мәгънәгә ия. Чөнки Библияне тәрҗемә эше славян язуына нигез салуга китерә", - диде ул. Кичәдә Изге Язма исеме дип аталган әлеге тәрҗемә китаптан өзекләр дә укылды. Барлыгы 1400ләп битле басманың алдагы битенә татар бизәкләрен хаттат Нәҗип Нәккаш төшергәнлеген дә билгеләп үтик.  

("Татар-информ")


www.tnv.ru - настройся на лучшее! Присоединяйтесь!

Комментарии:

Добавить свой комментарий:

Заголовок комментария:

Ваш ник:

Ваш e-mail:

Текст комментария:

Введите текст на картинке

1 2 3 4 5 6 7 8 9 10 11 12 13 14 15 16 17 18 19 20