Бүген: -- ------ 20-- --:--
Компания "Татарстан-Яңа Гасыр" телеканалы "ТНВ-Планета" телеканалы Безнең архив Хәбәрләр
Хәбәрләр тасмасы
26.05.2016

Болгарда “Россия – ислам дөньясы” стратегик караш төркеменең эшлекле утырышы узачак

Болгарда “Россия – ислам дөньясы” стратегик караш төркеменең эшлекле утырышы узачак. Анда ТР Дәүләт Киңәшчесе Минтимер Шәймиев катнашыр дип көтелә.

Россия, Якын һәм Ерак Көнчыгышның 30 иленнән дәүләт һәм җәмәгать эшлеклеләренең Россия экспертлары белән халыкара мөнәсәбәтләргә кагылышлы кискен мәсьәләләр, аерым алганда, экстремизмга каршы көрәш эше буенча фикер алышу һәм хәл итү юлларын таба торган мәйданчыкка әйләнде.

Быел төркем эшендә мәдәниятара һәм конфессияара мөнәсәбәтләрне саклау буенча Татарстан тәҗрибәсен тәкъдим итүгә басым ясалачак.

Делегатлар арасында – танылган сәясәт һәм җәмәгать эшлеклеләре, абруйлы дини лидерлар, шулай ук илләрнең элеккеге башлыклары һәм бизнесменнар бар.

Иртәгә, 27 майда, Казан ратушасында Рөстәм Миңнеханов җитәкчелегендә пленар утырыш узачак, аның нәтиҗәләре буенча йомгаклау резолюциясе кабул ителәчәк. Аннары делегатлар төркемнәре Казанда татар милли бәйрәме Сабан туенда катнаша ала.

Белешмә өчен. Стратегик караш төркеме 2006 елда гамәлгә куелган. 2014 елда РФ Президенты Владимир Путин ТР Президенты Рөстәм Миңнехановка төркем рәисе вәкаләтен йөкләде.

("Татар-информ")


www.tnv.ru - настройся на лучшее! Присоединяйтесь!

Комментарии:

Добавить свой комментарий:

Заголовок комментария:

Ваш ник:

Ваш e-mail:

Текст комментария:

Введите текст на картинке

1 2 3 4 5 6 7 8 9 10 11 12 13 14 15 16 17 18 19 20