Бүген: -- ------ 20-- --:--
О компании Телеканал "ТНВ-Татарстан" Телеканал "ТНВ-Планета" Видеоархив #МИЛЛИПРЕМИЯ2018 Новости
Хәбәрләр тасмасы
24.08.2017

Дәүләт хезмәте порталында пенсионерлар өчен махсус бүлек барлыкка килгән

Дәүләт хезмәте бердәм порталының бета-версиясендә пенсионерлар өчен махсус бүлек ясалган. Ул «Тормыш хәле» дип атала, биредә үзеңнең пенсия хокукларыңны белергә, картлык буенча иминият пенсиясенә гариза бирергә, шулай ук социаль хезмәтләргә, азык-төлеккә, даруларга һәм медицина дәвалавына ташламалар турында мәгълүмат алырга мөмкин. Бу хакта Түбән Каманың матбугат хезмәте хәбәр итә.

«Пенсиягә чыгу» дип аталган беренче бүлек булачак пенсионерларга кагыла. Биредә алар пенсия хисабы турында белешә һәм картлык буенча иминият пенсиясенә гариза бирә ала. Аннан соң Россия Пенсия фондының җирле органы 10 көн эчендә иминият пенсиясе бирү турында карар чыгара.

«Пенсионерларга ярдәм» бүлегендә әлеге категория гражданнарга дәүләт тарафыннан бирелә торган төрле ярдәм чаралары турында мәгълүмат урнаштырылган. Биредә милек салымыннан азат ителү, күчемсез милек алгандагы чыгымнарны каплау, 80 яшь тулганнан соң пенсия күләмен арттыру һәм башка социаль чаралар турында белергә мөмкин.

(Татар-информ)


www.tnv.ru - настройся на лучшее! Присоединяйтесь!
Приобрести билеты на церемонию вручения V Национальной Музыкальной Премии