Бүген: -- ------ 20-- --:--
Компания "Татарстан-Яңа Гасыр" телеканалы "ТНВ-Планета" телеканалы Безнең архив Хәбәрләр
Хәбәрләр тасмасы
18.01.2016

Казанда берьюлы өч рекорд куелган

Казанда берьюлы өч рекорд куелган  2015 елда Казанда туучылар саны буенча янәдән рекорд куелган: былтыр 24063 сабый – 12261 малай һәм 11802 кыз туу очрагы теркәлгән. Әлеге күрсәткеч, 2014 ел белән чагыштырганда, 5 процентка, ягъни 1114 сабыйга күбрәк дигән сүз. Соңгы 15 ел эчендә туучылар саны 3 тапкырга арткан.

Демографик рекордның тагын берсе – соңгы 20 елда туучылар саны үлүчеләр саныннан 77,5 процентка артуы. 2011 елдан үлүчеләр турында язмаларны теркәү очраклары кими бара. 2015 елда үлү турында 13558 акт рәсмиләштерелгән, бу 2010 елдагыдан 12 процентка кимрәк.

Туучылар арту һәм үлүчеләр саны кимү халыкның табигый үсешенә нигез булып тора. 2010 елда әлеге күрсәткеч 1051 кешене тәшкил иткән булса, 2015 ел нәтиҗәләре буенча – 10505 кеше.
Шулай ук яңа туган балалар арасында игезәкләр саны да 53 процент арткан (47 проценты - гаиләдәге беренче балалар). Былтыр 251 пар игезәк бала һәм гаиләдә берьюлы 3 игезәк бала туу очрагы теркәлгән.

Якынча мәгълүматлар буенча, әле узган елда гына Казанда күп балалы гаиләләр саны өчтән бер өлешкә - 4881дән 6516га арткан. Әлеге гаиләләрнең 500ендә балалар саны 4 һәм аннан да күбрәк. Соңгы 5 ел эчендә күп балалы гаиләләр саны 2 тапкырга арткан (2011 елда - 3343). 2011 елдан алып 2015 ел буенча җыелган мәгълүматлар нигезендә, 1 хатын-кыз тудырган бала саны күрсәткече Казанда уртача 1,6дан 1,75кә арткан. Бу гомумроссия күрсәткечләренә туры килә һәм миллионнан артык халкы булган башка мегаполислардагы күрсәткечләрдән артып китә.

2015 елда Казанда 12495 пар никахларын рәсмиләштергәннәр. Әлеге сан, 2014 ел белән чагыштырганда, 3 процентка кимегән. Моның сәбәбе: хәзерге вакытта 90 нчы елларда туган буын никахларын рәсмиләштерә. Ә бу елларда исә туучылар саны бөтен Россия күләмендә кимегән иде. Аерылышучылар саны, 2014 ел белән чагыштырганда, 7,5 процентка кимрәк (4678). Аерылышу очракларының күбесе әле бергә 5 ел да яшәмәгән яшь гаиләләргә туры килә.

Казанда демографик күрсәткечләрнең күп өлеше инфраструктура бик көчле үсә башлаган 2009 елдан арта башлый. Тууны арттыруга юнәлтелгән федераль һәм республика программалары да нәкъ менә шушы елдан гамәлгә ашырыла, диелә Казан мэриясенең http://old.kzn.ru сайтында.

("Татар-информ")


www.tnv.ru - настройся на лучшее! Присоединяйтесь!

Комментарии:

Добавить свой комментарий:

Заголовок комментария:

Ваш ник:

Ваш e-mail:

Текст комментария:

Введите текст на картинке

1 2 3 4 5 6 7 8 9 10 11 12 13 14 15 16 17 18 19 20