Бүген: -- ------ 20-- --:--
Компания "Татарстан-Яңа Гасыр" телеканалы "ТНВ-Планета" телеканалы Безнең архив Хәбәрләр
Хәбәрләр тасмасы
18.10.2016

Минск татарлары Рөстәм Миңнехановтан "Минск-Казан" поезд маршрутын булдыруда ярдәм сорады

Кичә кич Татарстан Республикасы Президенты Рөстәм Миңнеханов Минскта Беларусь Республикасындагы татар иҗтимагый оешмалары активы вәкилләре белән очрашты. Искәртәбез, Рөстәм Миңнеханов ике көнлек эш сәфәре белән Минскта. Бу хакта Президентның матбугат хезмәте хәбәр итә. 

Ватандашлар белән очрашуны Бөтендөнья татар конгрессы Башкарма комитеты (БТК) рәисе Ринат Закиров башлап җибәрде. Ул БТК дөньяның төрле илләрендә татар иҗтимагый оешмалары белән башкарылган эшләр турында сөйләде.

Очрашуда катнашучыларны сәламләп, Рөстәм Миңнеханов билгеләп үткәнчә, бүген татар җәмәгатьчелеге вәкилләре Татарстан белән Беларусь арасындагы хезмәттәшлекне үстерү мәсьәләләрендә яхшы ярдәмчеләр булып тора. Ул тарихи ватаннарыннан еракта яшәүче җирле татарларга гореф-гадәтләрен, йолаларын, туган телләрен һәм халкының мәдәниятен саклап калган өчен рәхмәт белдерде.

Сез татар халкының рухын саклап калгансыз, диде Рөстәм Миңнеханов, очрашуда катнашучыларга мөрәҗәгать итеп, бу хәзерге дөньяда бик мөһим нәрсә, һәм сезнең, Беларусьта, башка илләрдә яшәп, үзегезне татарлар дип санавыгыз – бик күркәм күренеш.

Рөстәм Миңнеханов шулай ук искәрткәнчә, Россиядә татарлар саны ягыннан икенче урында. Ул хәбәр иткәнчә, бүген Татарстанның үзендә бары тик 30 процент татар яши, калганнары – җир шарының төрле почмакларына чәчелгән.

Татарстан Президенты Беларусьта яшәүче татарлар киләчәктә дә Белоруссия белән Татарстан арасындагы багланышларны киңәйтүгә ярдәм итәчәкләр, илләр һәм халыклар арасындагы мөнәсәбәтләрне ныгытуга үзләреннән өлеш кертерләр, дип ышанам.

Очрашу барышында Рөстәм Миңнеханов барысын да Татарстанга килергә чакырды. Соңгы елларда республикада кызыклы туристик маршрутлар ачылды, диде ул, шул исәптән татарлар тарихына һәм дингә кагылышлы да.

Ул Беларусьтагы татар яшьләрен Татарстанда «Сәләт» халыкара яшьләр мәгариф форумында уздырылучы төрле мөселман фестивальләрендә, «Сәләт» лагереның профильле сменаларында катнашырга чакырды. Бөтендөнья татар конгрессы тарафыннан БДБ һәм Балтия илләрендә яшәүче татар яшьләрен Татарстан югары уку йортларына җәлеп итү буенча зур эш алып бара, диде Рөстәм Миңнеханов.

Ул татар телен онлайн өйрәнү буенча интернеттагы «Ана теле» проекты турында, «ТНВ – Планета» юлдаш телевидение каналы турында сөйләде.

Очрашу барышында «Чишмә» Татар-башкорт мәдәни мирасы» халыкара иҗтимагый берләшмәсе рәисе Эльвира Левшевич Беларусьтагы татар иҗтимагый оешмалары эшчәнлеге турында сөйләде.

Очрашуда катнашучылар Рөстәм Миңнехановка элек «Минск – Казан» поезды йөрүен сөйләделәр, хәзер бу маршрутны яптылар, диделәр. Алар Татарстан Республикасы Президентыннан бу мәсьәләдә ярдәм күрсәтүен үтенделәр.

Рөстәм Миңнехановка хәбәр ителгәнчә, шул араларда Минскта беренче җәмигъ мәчете ачылачак.

Очрашу азагында татар иҗтимагый оешмалары вәкилләре татарча җырлар һәм шигырьләр башкардылар.

Рөстәм Миңнеханов Беларусьтагы татар җәмәгатьчелегенең актив вәкилләренә Татарстан Республикасы Президенты Рәхмәтләрен тапшырды.

Чарада Татарстан Республикасы вице-премьеры – Татарстан Республикасы мәгълүматлаштыру һәм элемтә министры Роман Шәйхетдинов, Татарстан Республикасы Президентының халыкара мәсьәләләр буенча киңәшчесе Радик Гыйматдинов, Бөтендөнья татар конгрессы Башкарма комитеты рәисе Ринат Закиров, Татарстан Республикасы Сәүдә-сәнәгать палатасы рәисе Шамил Агиев, «Татнефть» ГАҖ генераль директоры Наил Маһанов һәм башкалар катнашты.

("Татар-информ")


www.tnv.ru - настройся на лучшее! Присоединяйтесь!

Комментарии:

Добавить свой комментарий:

Заголовок комментария:

Ваш ник:

Ваш e-mail:

Текст комментария:

Введите текст на картинке

1 2 3 4 5 6 7 8 9 10 11 12 13 14 15 16 17 18 19 20