"Бер-бер хәл" сериалы интернетта чыга башлады

Күпсанлы тамашачылар соравы буенча "Бер-бер хәл" сериалы хәзер интернетта чыга башлады. Аны ТНВның Телеграм каналында таба аласыз.

Сериалны «Яна Гасыр» телерадиокомпаниясе заказы буенча «Ватан — XXI гасыр» кинокомпаниясе төшерде.

Сюжет нигезендә ире — татар, хатыны — рус милләтеннән булган зур гаилә язмышы. Алар көндәлек мәсьәләләрне бергәләп чишә. Тел, мәдәният, гореф-гадәтләр, дин мәсьәләләре алгы планга чыга. Төп максаты — тамашачыны милли һәм мәдәни традицияләр аша татар телен өйрәнүгә этәрү.