"Болгар радиосы" Милли музыкаль премиясе тантанасына бер айдан азрак вакыт калып бара

Елның иң матур һәм еш тыңланган җырлары, яңа алып баручылар һәм яңа номинацияләр. "Болгар радиосы"ның Милли музыкаль премиясен тапшыру тантанасына бер айдан азрак вакыт калды.

10 декабрь көнне бу зур концерт 10нчы тапкыр узачак. Пандемиядән соң беренче тапкыр залда янәдән тамашачы булачак. Венера Ганиева, Филүс Каһиров, Илсөя Бәдретдинова, Рифат Зарипов, Ришат Төхвәтуллин һәм башка бик күп җырчылар катнаша. Концерт турында тулырак ТНВ сюжетын карап белә аласыз.