"Погружение на 100": Бүген ТНВда яңа чыгарылыш

Пәнҗешәмбе, 11 майда, ТНВ эфирында "Погружение на 100" тапшыруының алтынчы чыгарылышы дөнья күрәчәк. Тапшыру алып баручысы Руфина Мукминова полимер торбалар җитештерүче "Техстрой" компаниясе эшенә чумачак. 21:00 сәгатьтә ТНВ каналын кабызырга онытмагыз.

Руфина республикабызның төрле предприятиеләрендә булачак һәм тамашачыларга бизнесның ничек оештырылуын җентекләп күрсәтәчәк. Шулай ук компания җитәкчеләре, хезмәткәрләре белән аралашачак һәм уңыш серләре белән бүлешәчәк.