"Яңа Гасыр" каналының иҗат коллективы яңа проектлар әзерләде

"Яңа гасыр" каналының иҗат коллективы Россиядә - Гаилә, Республикада Фән һәм технологияләр, татар дөньясында шәхесләр елына багышланган яңа проектлар әзерләде.

Аларны Татарстан Рәисе каршындагы Туган телләрне саклау комиссиясе рәисе Марат Әхмәтовка тәкъдим иттеләр. Комиссия оешкан көннән алып безнең телеканал нык хезмәттәшлек итә.

2024нче елда тамашачылар яңа тапшырулар, фильм, ток-шоу, радиоспектакльләрне күрә алачак. Татарча яңа сериал төшерелер дигән ышаныч та бар. Ул күренекле татар әдибенең иң яратып укыла торган әсәренә нигезләнә.