Татарстан Гидрометүзәге машина йөртүчеләр һәм җәяүлеләрне кисәттеләр

ТР Гидрометеорология һәм әйләнә-тирә мохитне күзәтү идарәсе белгечләре татарстанлыларны һава шартлары начарлану турында кисәтте.

«14 февральдә төнлә һәм иртән Татарстан Республикасы территориясендә урыны белән томан көтелә», - диелә ведомство хәбәрендә.

Машина йөртүчеләргә юлларда игътибарлы булырга, ә җәяүлеләргә - үзләре белән яктылык кайтара торган элементлар булдыруны киңәш итәләр.

Фото: ТНВ