Иртәгә Татарстанда кары да, яңгыры да явачак, +7 градуска кадәр җылытачак та

Иртәгә, 12 мартта, Татарстанда кар, җепшек кар, яңгыр яву фаразлана. Төнлә һәм иртән томан. Юлларда бозлавык. Җил тизлеге 15 м/с кадәр арта.

Татарстанның гидрометеорология идарәсе синоптиклары алдагы төндә республикада һава температурасы -3..+2 градуска кадәр җитәчәк дип саный. Көндез +2..+7 градуска кадәр җылытачак.

Казанда төнлә температура 0..+2 градуска җитәчәк. Көндез һава +4..+6 градуска кадәр күтәрелә.