2 апрельдә Татарстанда томан һәм яңгыр көтелә

Пәнҗешәмбе, 2 апрельдә, Татарстанда төнлә һәм иртән томан булуы ихтимал. Көндез һава болытлы, аязган вакытлар белән, аз һәм уртача яңгырлар фаразлана.

ТР Гидрометүзәге мәгълүматынча, җил көнчыгыштан, көньяк-көнчыгыштан исәчәк: тизлеге 5–10 м/с, көндез кайбер урыннарда 13 м/с кадәр көчәергә мөмкин.

Төнлә республикада температура +1…+6 градус, урыны белән -2 градуска кадәр төшәчәк. Көндез +8…+13 градус, кайбер җирләрдә +16 градуска кадәр җылыта.

Казанда төнлә +4…+6 градус (кайбер урыннарда +1), ә көндез максималь температура +12…+14 градус булачак.

Фото: сгенерировано ИИ / ТНВ