16 апрельдә Татарстанда явым-төшемсез, аз болытлы һава торышы көтелә

Пәнҗешәмбе, 16 апрельдә, Татарстанда аз болытлы, явым-төшемсез һава торышы фаразлана. Җил төньяк-көнчыгыштан һәм көнчыгыштан 6–11 м/с тизлектә исәчәк, төнлә кайбер урыннарда аның тизлеге 14 м/с ка кадәр көчәйүе мөмкин, дип хәбәр итә ТР Гидрометүзәге.

Республикада төнге минималь температура +2…-3 градус булачак. Көндез һава +10…+15 градустан югары күтәрелми.

Казанда төнлә 0…+2 градуска кадәр суыта. Көндез башкалада максималь температура +12…+14 градус көтелә.

Фото: сгенерировано ИИ / ТНВ