Казанда хәбәр итү системасын көчәйтәләр, әмма ышык урыннар мәсьәләсе кала

Быел Казан халкын гадәттән тыш хәлләр турында кисәтү өчен - 150 җайланма урнаштырачаклар. Шуннан соң мәгълүмат 90% кешегә барып җитәр, дип фаразлана. Ел башыннан 230 җайланма куйганнар инде.

Атна ярым элек, “ракета һөҗүме” куркынычын шулар аша игълан иттеләр. Хәбәр җиткерү мәсьәләсе хәл ителә-ителүен, ә менә яшеренү урыннарында тәртип булырмы? Чөнки халык әлегә үз йортындагы подвалга да эләгә алмый интегә. Алия Сабирова репортажы.