21 апрельдә Татарстанда яңгыр, җепшек кар һәм бозлавык көтелә

Сишәмбе, 21 апрельдә, төнлә Татарстанның кайбер районнарында көчле яңгыр явачак. Иртән һәм көндез исә аз һәм уртача күләмдә яңгыр һәм җепшек кар көтелә.

Җил төньяк-көнчыгыштан, соңрак көньяк-көнбатышка күчәчәк. Аның тизлеге секундына 6-11 метр тәшкил итәчәк, урыны белән 15-18 метрга кадәр көчәергә мөмкин.

Республика Гидрометүзәге кисәткәнчә, юлларның аерым участокларында бозлавык барлыкка килүе ихтимал.

Сишәмбегә каршы төндә Татарстанда һава температурасы 0…+5 градуска кадәр төшәчәк. Көнбатыш районнарда урыны белән 0…-2 градуска кадәр суытырга мөмкин. Көндез исә һава температурасы +2…+7 градустан югары күтәрелмәячәк.

Казанда алдагы төндә термометр баганалары 0…+2 градус күрсәтәчәк. Көндез шәһәрдә һава температурасы +2…+4 градус булачак.

Фото: сгенерировано ИИ