Татарстанда 5 майда +26 градуска кадәр җылытачак

Сишәмбе, 5 майда, Татарстанда алмашынучан болытлы һава көтелә, урыны белән бераз яңгыр яварга мөмкин. Җил көньяк-көнбатыштан, көнбатыштан 5–10 м/с тизлектә исәчәк.

Гидрометеоүзәк фаразы буенча, алдагы төндә республикада һава температурасы +5…+10 градус булачак. Көндез исә чын җәйге эсселек урнашып, +21…+26 градуска кадәр күтәреләчәк.

Казанда сишәмбегә каршы төндә термометр баганалары +8…+10 градус күрсәтәчәк. Көндез шәһәрдә һаваның максималь температурасы +24…+26 градус булачак.

Фото: сгенерировано ИИ