Татарстанда эссе рекордлар: синоптиклар куркынычлы аномаль күренеш турында кисәтә

Көндез урамда чыдап булмаслык эссе, термометр баганалары яңа рекордлы күрсәткечләргә җитә. Хәзер Татарстанда температура нормадан 9-11 градуска артык.

Синоптиклар мондый күренешне аномаль һәм куркыныч дип атый. Халык сулыклар янына агыла, туңдырманы чират торып алалар. Иртәгә исә урыны белән яшенле яңгыр булырга мөмкин. Бу хакта Гидрометеорология үзәге кисәтә.

Шулай ук, халыкка дәүләт автоинспекциясе, гадәттән тыш хәлләр министрлыгы һәм табиблар мөрәҗәгать итте. Май челләсеннән ничек сакланырга икәнлеген Алия Сабирова сөйләр.