Татарстанда шимбә көнне эссе һава торышы сакланачак

23 май, шимбә көнне, Татарстанда сизелерлек явым-төшемнәр көтелми. Кайбер урыннарда көньяк һәм көньяк-көнчыгыш җиленең тизлеге секундына 14 метрга кадәр көчәергә мөмкин, дип хәбәр итә ТР Гидрометеорология үзәге.

Төнлә республика буенча һава температурасы +7…+12 градуска кадәр төшәчәк, ә көнбатыш районнарда бераз җылырак — урыны белән +17 градуска кадәр. Көндез исә һава +26…+31 градуска кадәр җылыначак.

Казанда төнлә термометр баганалары +15…+17 градус күрсәтәчәк, ә түбән урыннарда +9…+11 градуска кадәр төшүе ихтимал. Көндез шәһәрдә һава +29…+31 градуска кадәр кызачак.

Фото: Сгенерировано ИИ / ТНВ