16 июньдә Татарстанда яшенле яңгырлар көтелә

Сишәмбе, 16 июньдә, Татарстанда алмашынучан болытлы һава торышы фаразлана. Төнлә һәм иртән кайбер районнарда кыска вакытлы яңгырлар явачак, яшен һәм томан булуы ихтимал. Бу хакта ТР Гидрометеорология үзәге хәбәр итте.

Синоптиклар мәгълүматларына караганда, көндез дә аерым районнарда явым-төшем көтелә, урыны белән боз явуы мөмкин. Җил көнбатыштан һәм көньяк-көнбатыштан секундына 5–10 метр тизлек белән исәчәк, яшен вакытында аның тизлеге 15–18 м/с кадәр җитәргә мөмкин.

Төнлә һава температурасы +13…+18 градус тәшкил итәчәк, көндез исә +23…+28 градуска кадәр җылытачак. Казанда төнлә +15…+17 градус, көндез +24…+26 градус булыр дип көтелә.

Фото: сгенерировано ИИ