27 июньдә Татарстанда яңгырлы һәм салкынча һава көтелә

Шимбә, 27 июньдә, Татарстанда аязучан болытлы һава булачак. Урыны белән яңгыр явачак, кайбер районнарда көчле яңгыр һәм яшен булуы ихтимал.

Татарстан Гидрометеорология үзәге мәгълүматларына караганда, җил төньяк-көнбатыштан исәчәк, тизлеге секундына 6–11 метр, көндез урыны белән 15–17 метрга кадәр көчәергә мөмкин.

Төнлә республика буенча һава температурасы +9…+14 градус, Казанда +11…+13 градус булачак.

Көндез Татарстанда һава +14…+19 градуска кадәр генә җылыначак. Казанда исә термометр баганалары +17…+19 градустан югары күтәрелмәячәк.

Фото: сгенерировано ИИ