Бүген иртән Татарстанда томан, көндез яшен һәм көчле җил көтелә

Бүген иртәнге сәгатьләрдә Татарстанның кайбер районнарында томан көтелә. Бу хакта Татарстан Гидрометеорология үзәге белгечләре хәбәр итте.

Көндез республиканың көнбатыш яртысында, шул исәптән Казанда да, яшенле яңгырлар һәм секундына 15-20 метрга кадәр җиткән көчле җил көтелә. Урыны белән боз явуы да мөмкин.

Көндез Татарстанда һава температурасы +24…+29 градуска кадәр күтәреләчәк. Казанда һава +25…+27 градуска кадәр җылыначак.

Фото: TNV.RU