Июльнең соңгы 10 көне нормадан җылырак булачак

ТР Гидрометеоүзәгендә хәбәр итүләренчә, Татарстанда 21-30 июль көннәрендә һава температурасының уртача күрсәткече климатик нормадан 4 градуска югарырак булачак.

Республика өчен бу чорда норма +20,3 градус, Казан өчен — +20,9 градус. Көтелгән уртача температуралар исә, тиешенчә, +24,3 һәм +24,9 градус тәшкил итәчәк.

Синоптиклар фаразы буенча, алдагы тәүлектә Татарстанда эсселек +31 градуска кадәр җитәчәк. Шул ук вакытта кыска вакытлы яңгырлар көтелә.

Фото: ТНВ