23 июльгә һава торышы билгеле булды

Пәнҗешәмбе, 23 июльдә, Татарстанда аерым районнарда яшен, урыны белән боз явуы ихтимал.

Моннан тыш, көньяк һәм көньяк-көнчыгыш җил көчәячәк. Яшен вакытында җилнең тизлеге 15-20 м/с ка кадәр җитәргә мөмкин, дип кисәттеләр ТР Гидрометеоүзәгендә.

Пәнҗешәмбе төнендә республика буенча һава температурасы +15…+20 градус булачак (Казанда +18…+20 градус, түбән урыннарда +15…+17 градус).

Көндез Татарстан буенча термометрлар +26…+31 градуска күтәреләчәк. Башкалада эссе +27…+29 градуска кадәр көчәячәк.

Фото: сгенерировано ИИ