Атна ахырына кадәр Татарстанга +35 градуска кадәр эссе көтелә

Якын көннәрдә Татарстанга экстремаль эсселек — +35 градуска кадәр күтәрелгән температура киләчәк. Бу хакта республика Гидрометүзәге хәбәр итә.

Шулай итеп, җомга, 24 июльдә, көндез республика буенча һава температурасы әле +26…+31 градус тәшкил итәчәк, Казанда — +28…+30 градус. Шимбәдә инде республика буенча +28…+33 градус көтелә, Казанда — +30…+32 градус.

Якшәмбе Татарстанда эсселек тагын да көчәеп, +30…+35 градуска кадәр җитәчәк, Казанда — +32…+34 градус булачак. Барлык көннәрдә дә кыска вакытлы яңгырлар, яшен һәм җилнең 15-20 м/с ка кадәр көчәюе көтелә.

Фото: сгенерировано ИИ