Иртәгә Татарстанда атнаның иң җылы көне көтелә

Алдагы тәүлектә Татарстан территориясен янә көчле яңгырлар һәм яшенле яңгырлар каплаячак. Әмма һава температурасы бераз күтәрелә башлый. Бүген көндез һава +20 градуска кадәр җылыначак, дип хәбәр итә Гидрометеоүзәк.

Салкын циклон әкренләп Уралга таба күчә, әмма явым-төшемнәр әлегә республика территориясеннән китми. Синоптиклар фаразлавынча, иң җылы көн чәршәмбе булачак: температура +28 градуска кадәр күтәрелә, урыны белән кыска вакытлы яңгырлар яварга мөмкин.

Пәнҗешәмбе көнне республика аша салкын атмосфера фронты узачак. Көндез һава +25 градуска, төнлә +14 градуска кадәр җылы булачак.

Мондый тотрыксыз һава торышы атна ахырына кадәр сакланачак. Көндезге һәм төнге температураларның аермасы аркасында кайбер урыннарда томан төшәргә мөмкин.

Фото: сгенерировано ИИ