Татарстанда җомгага каршы төндә көчле җил һәм яңгырлар көтелә

Гидрометеоүзәк фаразы буенча, 21 августка каршы төндә Татарстанда кыска вакытлы яңгырлар, кайбер урыннарда көчле яңгыр явачак.

Төнлә һәм иртән республиканың аерым районнарында яшен, боз явуы һәм томан көтелә. Җил төньяк-көнбатыштан, соңрак көньяктан секундына 5–10 метр тизлектә исәчәк. Кайбер урыннарда ул кыска вакытка секундына 14 метрга, яшен вакытында 15–20 метрга, ә төнлә аерым районнарда 24 метрга кадәр көчәергә мөмкин. 

Көндез явым-төшемнәр кыска вакытлы булачак. Төнлә республикада һава температурасы +10…+15 градус, Казанда +11…+13 градус тәшкил итәчәк. Көндез Татарстанда һава +20…+25 градуска, башкалада +21…+23 градуска кадәр җылыначак.

Фото: сгенерировано ИИ