Көзнең беренче көнендә Татарстанда кыска вакытка яңгырлар көтелә

Белем көнендә, 1 сентябрьдә булачак Татарстанда һава торышы турында ТР Гидрометеорология һәм әйләнә-тирә мохитне күзәтү идарәсе белгечләре хәбәр итте.

Иртәгә республика территориясенең кайбер урыннарында кыска вакытлы яңгырлар яварга мөмкин. Җил көньяк-көнбатыштан исәчәк, соңрак төньякка үзгәрәчәк, тизлеге секундына 5–10 метр тәшкил итәчәк.

1 сентябрьгә каршы төндә республикада һава температурасы +8…+13 градуска кадәр төшәчәк. Казанда +11…+13 градус булачак.

Көндез Татарстанда һава +18…+23 градуска кадәр җылыначак. Башкалада көндез +20…+22 градус көтелә.

Фото: сгенерировано ИИ