Татарстанда бүген һава +23 градуска кадәр җылыначак

Бүген Татарстанда һава +18…+23 градуска кадәр җылыначак. Казанда термометр баганалары +18…+20 градуска кадәр күтәреләчәк.

Синоптиклар зур явым-төшемнәр көтми. Кайбер урыннарда көньяк-көнбатыш һәм көньяк җилнең тизлеге секундына 12 метрга җитәргә мөмкин.

Моңа кадәр хәбәр ителгәнчә, Татарстанда 2009 елдагы кебек җылы октябрь көннәре көтелә. Хәзер һава температурасы климатик нормадан 8–10 градуска югары.

Фото: TNV.RU